28 жніўня – апошні дзень фестывалю. Распачаўся ён урачыстай святой Імшой у глыбоцкім касцёле, якую цэлебраваў Віцебскі ардынарый біскуп Алег Буткевіч разам са святарамі.

У гаміліі біскуп Алег звярнуў увагу на ролю СМІ і дакументалістаў у сучасным свеце: “Вы робіце вялікую справу, праз якую дапамагаеце іншым такім чынам наблізіцца да Бога”.

Словы ўдзячнасці ардынарый выказаў арганізатарам і спонсарам, а таксама і ўсім удзельнікам фестывалю.

 

 

Пасля Літургіі ў Гарадскім цэнтры культуры распачалася афіцыйная частка, падчас якой былі падведзены вынікі міжнароднага кінафестывалю «Magnificat-2014».