11 лютага адбылася св. Імша ў капліцы благаслаўлёных Глыбоцкіх Мучанікаў у раённай бальніцы, на якой, дзякуючы легіянерам Марыі, сабраліся і медыцынскі персанал, і хворыя, якія змаглі самастойна прыйсці.
11 лютага вернікі нашай парафіі далучылі свае малітвы да малітваў за хворых, якія ўзносіліся ва ўсім свеце з нагоды Сусветнага дня хворага.
“… быў хворы і вы адведалі Мяне…”
Мц 25,40
11 лютага адзначаецца Сусветны дзень хворага. Устанавіў яго бл. Ян Павел ІІ 13 мая 1992 г. У той дзень супалі 75-я гадавіна аб’яўлення Маці Божай Фацімскай і 11-я гадавіна замаху на жыццё Вялікага Папы. Свята штогод адзначаецца 11 лютага, калі ў Касцёле ўспамінаюць першае аб’яўленне Маці Божай з Лурда. У 1858 г. у Лурдзе Маці Божая аб’явілася простай вясковай дзяўчынцы Бэрнардэце Субіру.Дзень хворага з’яўляецца напамінам для нас, каб звярнулі асаблівую ўвагу на хворых людзей і заклікае адарыць іх сваёй любоўю і клопатам. У гэты дзень святары ўдзяляюць сакрамэнт намашчэння хворых.
Нічога дзіўнага, што сусветны гімн студэнтаў пачынаецца са слоў: Давайце радавацца! Студэнты людзі радасныя, а асабліва ў час канікул, калі сесія за плячыма, ёсць магчымасць выспацца пасля столькіх працавітых начэй, праведзеных у сяброўстве кніг ды канспектаў.
2 лютага ў Каталіцкім Касцёле адзначаецца свята Ахвяравання Пана, якое традыцыйна называюць яшчэ святам Маці Божай Грамнічнай, або Грамніцамі. У гэты дзень у літургіі ўспамінаецца прынясенне Дзіцятка Езуса ў святыню для выканання абраду ахвяравання, прадпісанага законамі Старога Запавету. Такім чынам, ужо ў самым пачатку зямнога жыцця Збаўцы Бог сведчыць, што Езус прыйшоў у свет не парушыць закон, а выканаць яго.
Зараз на сайце 80 гасцей і ніводнага зарэгістраванага