У ноч з 15 на 16 снежня ў мінскім катэдральным касцёле Найсвяцейшага Імя Марыі прайшло адвэнтавае чуванне моладзі Мінска-Магілёўскай архідыяцэзіі. Прадстаўнікі Віцебскай дыяцэзіі (Глыбокае і Варапаева) таксама не абмінулі магчымасці разам маліцца і чуваць.
10 снежня 2018 года апостальскі рух “Маці ў малітве”, які існуе ў нашай парафіі, адзначыў свой першы дзень нараджэння. З гэтай нагоды ў касцёле адбылася паўгадзінная адарацыя Найсвяцейшага Сакраманта і св. Імша.
У межах акцыі ў абарону жыцця, якую арганізаваў Глыбоцкі раённы выканаўчы камітэт, 5 снежня ў школах Глыбокага, а таксама ў в. Мярэцкія перад вучнямі 10 і 11 класаў выступілі лектар Дабрачыннага фонду ў абарону жыцця і сям'і «Адкрытыя сэрцы» Вольга Чаркасава і намеснік дырэктара Каардынацыйнага Цэнтра абароны жыцця і сямейных каштоўнасцяў Полацкай епархіі «ЗаРождение» Павел Сафронаў.
6 снежня Каталіцкі Касцёл адзначае ўспамін св. біскупа Мікалая. На заканчэнне раратняй св. Імшы прадстаўнікі розных суполак і груп нашай парафіі павіншавалі пробашча кс. Мікалая з імянінамі.
Шаноўны кс. Мікалай!
З нагоды Дня імянінаў жадаем, каб сённяшняму патоку віншаванняў (словы, кветкі, падарункі) Вы не дазволілі заглушыць у сабе Божы голас, а ўзмоцненыя ласкамі веры і надзеі разам з намі крочылі дарогай да неба.
Жадаем таксама здароўя, Божага бласлаўлення, апекі Маці Божай Глыбоцкай, заступніцтва святога Мікалая і таго, каб у далейшай душпастырскай паслузе ў нашай парафіі Вас суправаджалі святасць, стараннасць і адданасць, каб былі моцныя духам любові і веры, якія пакінуў нам Хрыстос.
З удзячнасцю, Вашы парафіяне
Зараз на сайце 113 гасцей і ніводнага зарэгістраванага