29 лістапада Папа Францішак прызначыў трох новых біскупаў у Беларусі: кс. Алега Буткевіча біскупам Віцебскай дыяцэзіі, кс. Юрыя Касабуцкага дапаможным біскупам Мінска-Магілёўскай архідыяцэзіі, кс. Іосіфа Станеўскага дапаможным біскупам Гродзенскай дыяцэзіі.
Адвэнт – час спаткання з Хрыстом у другім чалавеку
Заўважаем, што многім людзям не хапае часу, каб выслухаць іншага чалавека ў сям’і, на працы, суседа. Людзі не гатовы ісці на кантакт, закрытыя на іншага чалавека з-за эгаізму, занятасці сваімі справамі, абыякавасці. Калі чалавек закрыты на іншага, то закрыты і для Хрыста.
Таму заклікаем кожнага з вас прысвяціць бліжняму 10 хвілін свайго часу і выслухаць яго.
“І ЎСЁ, ШТО ТОЛЬКІ ХОЧАЦЕ, КАБ ВАМ РАБІЛІ ЛЮДЗІ, ВЫ І САМІ ІМ РАБІЦЕ.
ГЭТА ЁСЦЬ ЗАКОН І ПРАРОКІ”.
МЦ 7,12
У Глыбокім, ва ўрачыстасць св. Язафата Кунцэвіча, адбылося дыяцэзіяльнае спатканне святароў і законных сясцёр з Апостальскім Адміністратарам Віцебскай дыяцэзіі, кс. прэлатам Францішкам Кісялём.
2 лістапада ў Касцёле адзначаецца ўспамін усіх памерлых вернікаў. У гэты дзень прынята наведваць могілкі і асаблівым чынам маліцца за памерлых.
На могілках у Харашках сабралася вялікая колькасць людзей. Маленькая каплічка нават не здолела змясціць усіх прысутных, якія прыйшлі на св. Імшу, каб разам маліцца за сваіх родных, знаёмых памерлых.
1 лістапада Каталіцкі Касцёл адзначае ўрачыстасць Усіх Святых. У гэты дзень вернікі дзякуюць Богу за дар святасці і аддаюць пашану ўсім святым, якія дасягнулі вечнай хвалы і прабываюць з Богам у небе.
У Глыбоцкай парафіі пасля ўрачыстай св. Імшы ўсе вернікі разам са святарамі і законнымі сёстрамі вырушылі працэсіяй на могілкі. Падчас дарогі маліліся на ружанцы, дзе кожны мог успомніць сваіх родных памерлых і ахвяраваць за іх сваю малітву.
Зараз на сайце 186 гасцей і ніводнага зарэгістраванага